तत्कालिन नेकपा विभाजन हुँदा टोपबहादुर रायमाझीसँगै एमालेमा रहेका चन्द्रबहादुर खड्का पुनः माओवादी केन्द्रमै फर्कनुभएको छ । पार्टी अध्यक्ष पुष्पकमल दाहाल प्रचण्डले खड्कालाई पार्टीमा स्वागत गर्नुभएको हो ।
एमालेमा पूर्व केन्द्रीय सदस्य र जिल्ला इन्चार्जसमेत रहिसकेका खड्का माओवादी केन्द्रमै फर्कनुभएको हो । खड्का एमालेका निलम्बित केन्द्रीय सचिव तथा प्रतिनिधिसभा सदस्य रायमाझीका विश्वासपत्रको रुपमा चिनिनुुहुन्थ्यो । रायमाझीको राजनीतिक भविष्यमा कालोबादल लागेसँगै रायमाझीका सारथी खड्का पुरानै पार्टीमा फर्कनुभएको हो ।
खड्का राष्टिय सभा सदस्य पनि हुनुुहुन्छ । उहाँ माओवादीका जनयुद्धकालीन नेता हुनुहुन्थ्यो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
