सल्यान । सल्यानमा तरुल खन्ने क्रममा ढुंगा पल्टाउदा एक जनाको मृत्यु भएको छ । जिल्लाको कालिमाटी गाउँपालिका – ७ सोइमबासका अन्दाजी ४२ वर्षीय धनबहादुर आलेको ढुंगाले टाउकोमा चोट लागेर मृत्यु भएको हो।
हिजो शनिबार दिउसोँ करिव साढेँ ३ बजेतिर कालीमाटी गाउँपालिका ६ जुमखोलाका अन्दाजी ४४ वर्षीय घनश्याम घर्तीले – ७ को खारापानी भन्ने जंगलमा तरुल खन्ने क्रममा माथिबाट ढुंगा पल्टाएका थिए। पल्टाएको ढुङ्गाले करिब ५ सय मिटर तल तरुल खन्दै गरेका आलेको टाउकोमा चोट लागेको जिल्ला प्रहरी कार्यालय सल्यानले जनाएको छ ।
टाउकोमा चोट लागेका उनको उपचारका लागि अस्पताल लैजादै गर्दा बाटोमा मृत्यु भएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो । प्रहरीले ढुंगा पल्टाउने घनश्याम घर्तीलाई नियन्त्रणमा लिएर आवश्यक अनुसन्धान अगाडि बढाइएको जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
