घोराही । राष्ट्रियसभाको रिक्त हुने दुई सदस्यका लागि लुम्बिनी प्रदेशमा पाँच पार्टीबाट सात जनाको उम्मेदवारी परेको छ । निर्वाचन कार्यातालिका अनुसार सोमवार घोराही उपमहानगरपालिका–१५ स्थीत निर्वाचनअधिकृतको कार्यालयमा पुगेर लुम्बिनी प्रदेशमा सत्ता गठबन्धनबाट दुई जना, नेकपा एमाले पार्टीबाट दुई जना, राष्ट्रिय प्रजातन्त्र पार्टीबाट दुई जना र जनमत पार्टीबाट एक जना गरेर सात जनाले उम्मेदवारी दर्ता गराउनुभएको हो ।
जसअनुसारमा महिला सदस्यमा तीन जना र अन्यमा चार जनाको उम्मेदवारी परेको निर्वाचन अधिकृत कुलप्रसाद पाण्डेले जानकारी दिनुभएको छ । उहाँका अनुसार महिला सदस्यमा सत्ता गठबन्धनका तर्फबाट नेपाली कांग्रेसबाट बिष्णुकुमारी सापकोटा, नेकपा एमालेबाट तुलसा केसी र राष्ट्रिय प्रजातन्त्र पार्टीबाट बिजयालक्ष्मी सिंहको उम्मेदवारी परेको छ । सापकोटा गुल्मी, केसी दाङ र सिंह कपिलबस्तु निवासी हुनुहन्छ ।
त्यसैगरी अन्यमा सत्ता गठबन्धनकातर्फ नेकपा माओवादी केन्द्रका रोल्पाका झक्कुप्रसाद सुवेदी, नेकपा एमालेबाट पाल्पाका झपेन्द्रबहादुर घर्ती क्षेत्री, राष्ट्रिय प्रजातन्त्र पार्टीबाट कपिलवस्तु निवासी निरञ्जनकुमार थापा र जनमत पार्टीबाट नवलपरासी पश्चिम निवासी बालगोविन्द चौधरीले उम्मेदवारी दर्ता गराउनुभएको निर्वाचन अधिकृत पाण्डेले जानकारी दिनुभएको छ । उम्मेदवारी दर्ताका लागि निर्वाचन कार्यालय विहान १० बजेदेखि दिउँसो ३ बजेसम्मलाई समय निर्धारण गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
