घोराही । घोराही १८ नवलपुर खेल मैदानमा हिजोबाट शुरु भएको छैठौं संस्करणको मेयरकपको दोस्रो दिनको पहिलो खेलमा वडा नम्बर १० र वडा नम्बर ११ विच भएको खेलमा २ को विरुद्ध ७ गोलले वडा नम्बर १० विजयी भएको छ ।
वडा नम्बर १० लाई विजयी बनाउनका लागि सगर पुन र मधुसूदन बस्नेतले २-२ गोल गरेका थिए भने सन्जय बस्नेत, आदित्य केसी र मनु न्यौपानेले समान एक एक गोल गरेका थिए । वडा नम्बर ११ तर्फबाट सान्त्वना २ गोल किरण नेपाली गरेका थिए ।
आज नै भएको दोस्रो खेल वडा नम्बर १२ र १ बिच भएको थियो उक्त खेलमा १ को विरुद्ध २ गोलले वडा नम्बर १२ लाई जित दिलाउन नविव बुढा र सुन्दर विकले समान एक -एक गोल गरेका थिए भने वडा नम्बर १ बाट बासुदेब रावलले १ गोल गरे पनि टिमलाई हार बाट बचाउन सकेनन् ।
आजको अन्तिम खेल वडा नम्बर १८ र २ भएको थियोे जस्मा निकै नै प्रतिस्पर्धा भएको खेलमा दुबै टिमबाट गोल हुन नस्के पछी बराबरी खेल्दै अंक बाड्न बाध्य भएका हुन ।
लिग कम नकआउटका आधारमा खेलाईने मेयर कप फुटबलमा पालिकाका १९ वटै वडाले भाग लिएका छन् । चार समुहमा विभाजन गरिएको खेलमा हरेक दिन ३ वटा खेल हुनेछ ।
लिग चरणको खेल माघ ६ गतेसम्म हुनेछ । क्वाटर फाईनल माघ ८ र ९ गते हुनेछ भने सेमिफाईनल माघ ११ गते तथा फाईनल खेल माघ १३ गते हुने छ ।
फोटोग्राफीमा दक्ष महरा सिस्ने अनलाइनका फोटो पत्रकार हुनुहुन्छ ।
