घोराही । घोराही उपमहानगरपालिकाले फोहोर मैला व्यवस्थानमा काम गर्दै आएका कर्मचारीहरुलाई जोखिमजन्य फोहोर व्यवस्थापन गर्ने बिषयमा अभिमुखीकरण गरेको छ ।
नगरले गल्ने र नगल्ने फोहोर छुट्याउन नगरबासीहरुमा अनुरोध गरेको अबस्थामा त्यसको पालना भए नभएको निगरानी गर्न र सल्लाह दिन पनि सुझाब दिईएको छ ।
बाताबरण तथा विपद व्यवस्थापन समितिका संयोजक भानसिं बुढाको अध्यक्षतामा भएको कार्यक्रममा नगर प्रमुख नरुलाल चौधरीले सफाई व्यवस्थान कर्मचारीहरुलाई अनुशासित र सजक भएर काममा खट्न सुझाब दिनुभयो । फोहोरमैला व्यवस्थान कार्यमा खट्नु जोखिमपूर्ण भएको भन्दै उहाँले साबधानी र होसियारीका साथ काम गर्न आग्रह गर्नुभयो ।
कार्यक्रममा स्वास्थ्य शाखाका ठाकुर खनालले जोखिमजन्य फोहोर व्यवस्थानमा हुने जोखिम र ध्यान दिनुपर्ने कुराहरुका बारेमा जानकारी गराउनुभयो ।
कार्यक्रमको सहजिकरण शाखा प्रमुख लक्ष्मण अधिकारीले गर्नुभएको थियो । कर्मचारीहरुलाई सिसाजन्य, अस्पतालजन्य फोहोरहरुको व्यवस्थानमा अपनाउनु पर्ने साबधानिका बिषयमा सजकताका साथ काम गर्ने बिषयमा प्रशिक्षण दिईएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
