दाङ । दाङको बंगलाचुली गाउँपालिकाका एम्बुलेन्स चालकले विभिन्न समयमा लापरबाही गरेको भन्दै एम्बुलेन्स चालकलाई कारबाही हुनुपर्ने माग राख्दै पालिकाको स्वास्थ्य शाखामा स्थानीयले ज्ञापनपत्र बुझाएका छन् ।
बंगलाचुली गाउँपालिकाद्वारा संचालित रा १ झ १३२ नम्बरको एम्बुलेन्स चालकबाट विभिन्न समयमा लापरबाही भएको हुँदा एम्बुलेन्स चालकलाई कारबाही हुनुपर्ने भन्दै एम्बुलेन्स व्यवस्थापन समितिका अध्यक्ष डोमबहादुर खत्री र बंगलाचुली गाउँपालिकाको स्वास्थ्य शाखा प्रमुख नेवबहादुर केसीलाई स्थानीयले बिहिबार ज्ञापनपत्र बुझाएका हुन् ।
ज्ञापनपत्र बुझाउँदै स्थानीय बिक्रम डाँगीले विभिन्न समयमा चालक गैरजिम्मेवार हुँदै आएको बताए । उनले यही पुष १३ गतेका दिन बंगलाचुली गाउँपालिका वडा नम्बर ४ फाँटा भन्ने गाउँबाट साँझको ७ बजेको समयमा फोन गरेर बोलाउँदा पनि एम्बुलेन्सको चालकले रातिको समयमा आउन नसक्ने जानकारी गराउँदै आउन नमानेपछि घोराहीबाट एम्बुलेन्स बोलाउन बाध्य भएको भन्दै एम्बुलेन्स चालकलाई कारबाही हुनुपर्नेमा जोड दिए ।
त्यस्तै स्थानीय मिनराज पुलामीले एम्बुलेन्स जस्तो संबेदनसिल साधन २४ सै घण्टा सेवामा हुनुपर्ने बताए । तर, चालकको गैरजिम्मेवार हुँदा बंगलचुली गाउँपालिका बासीले एम्बुलेन्स सेवाबाट बारम्बार बन्चित भएको भन्दै सत्यतथ्य छानबिन गरी यथाशीघ्र कारबाहीको दायरामा ल्याउनुपर्नेमा उनको जोड थियो ।
ज्ञापनपत्र बुज्दै एम्बुलेन्स व्यवस्थापन समितिका अध्यक्ष डोमबहादुर खत्री र बंगलाचुली गाउँपालिकाको स्वास्थ्य शाखा प्रमुख नेवबहादुर केसीले मौखिक रूपमा जनगुनासो आएको र पटकपटक चालकलाई स्पष्टीकरण सोध्ने र सम्झाउने गरेको बताए । उनीहरूले फेरि पनि यस्तो घटना हुनु दु:खद् भएको भन्दै छिटै समितिको बैठक बसी उचित कारबाही प्रक्रियालाई अगाडि बढाउने जानकारी दिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
