दाङ । प्रधानमन्त्री कपका लागि भएको लुम्विनी प्रदेश महिला क्रिकेट छनोट प्रतियोगिताको उपाधि दाङले हात पारेको छ।
दाङको घोराही–१७ स्थित गुलरिया क्रिकेट रंगशालामा शुक्रबार भएको दाङ र रुपेन्देहीबीचको फाइनल खेलमा रुपेन्देहीलाई ७ विकेटले पराजित गर्दै दाङले उपाधि हात पारेको हो।
टस जितेर पहिला ब्याटिङ गरेको रुपेन्देहीले १९ ओभरमा सवै विकेट गुमाएर ७८ रनको योगफल तयार पारेको थियो ।
रुपेन्देहीका लागि ब्याटिङमा आष्मा मगरले २५ बलमा १६ र आचल मगरले १६ बलमा १४ रन बनाएका थिए भने अरुले दोहोरो अंक समेत छुन सकेनन् ।
दाङको बलिङमा सर्मिला रोकाले तिन , अनिता चौधरी तिन र मधु डिसीले समान दुई–दुई विकेट लिए ।
७८ रनको जवाफी लक्ष्यसहित मैदान उत्रिएको दाङको टिमले ११ दशमलव दुई ओभरमा तिन विकेट गुमाएर योगफल भेट्न सफल भएको थियो ।
दाङका लागि ब्याटिङमा लक्ष्मी चौधरीले २४ बलमा ३चौकाको मदतमा २८, कमला जिएमले १८ बलमा ९ रन बनाएका थिए ।
रुपेन्देहीको बलिङमा सुस्मिता भुषालले ३ ओभर बलिङ गरेर २३ रन दिएर ३ विकेट लिएको थिन ।
उक्त प्रतियोगितामा लुम्बिनी प्रदेशका ६ टिमको सहभागिता रहेको थियो। छनौट प्रतियोगितामा सहभागी ६ टिमबाट उत्कृष्ट खेल प्रदर्शन गर्ने खेलाडीबाट प्रधानमन्त्री कपका लागि लुम्बिनी प्रदेश स्तरीय महिला टिम छनौट क्रिकेट संघ लुम्बिनीका सचिव कैलाश रोका मगरले बताउनुभयो ।
फोटोग्राफीमा दक्ष महरा सिस्ने अनलाइनका फोटो पत्रकार हुनुहुन्छ ।
