दाङ । देउखुरीको लमहीमा हाईसको ठक्करबाट साईकल यात्रीको मृत्यु भएको छ ।

शुक्रबार बेलुका पश्चिमबाट पुर्ब जाँदै गरेको रा १ ख २१७३ नम्बरको हाईसले लमही नगरपालिका वडा नम्बर ७ पदमिनीखोलामा साईकल यात्रीलाई ठक्कर दिएको हो ।

हाईसको ठक्करबाट गम्भीर घाईते भएका लमही नगरपालिका वडा नम्बर ७ नयाबस्ती निवासी बर्ष ५२ का भगत चौधरीको उपचारका क्रममा मृत्यु भएको हो ।

लमही अस्पतालमा सामान्य उपचार पश्चात् उनलाई नेपालगञ्ज रिफर गरिएको थियो । टाउकोमा गम्भीर चोट लागेका चौधरीको राती मृत्यु भएको वडा प्रहरी कार्यालय लमहीले जनाएको छ । गाडी र चालक प्रहरीको नियन्त्रणमा छन ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।