घोराही । घोराही उपमहानगरपालिका वडा नम्बर १८ स्थित मावि रझेना दाङको विद्यालय व्यवस्थापन समितिको अध्यक्षमा हरी प्रसाद गौतम निर्विरोध चयन हुनु भएको छ ।
समितिको शुक्रबार विद्यालयमा बसेको बैठकले ३ वर्षे कार्यकालका लागि गौतमलाई अध्यक्षमा चयन गरेको हो । गौतम बिद्यालयको पुर्ब प्रधानाध्यापक हुनुहुन्छ ।
समितिको सदस्यहरुमा नरबहादुर राना, सुजानी सुनार, जानकी वली र हरि प्रसाद गौतम अभिभावकबाट चुनिएर आउनु भएको थियो । सो ४ जनाले मिल्क चौधरी र दिनेश अधिकारीलाई मनोनित गरेको थियो ।
वडा कार्यालयको तर्फवाट वडा अध्यक्ष भरतमणि अर्याल पदेन सदस्य, शिक्षक प्रतिनिधिमा दामोदर बस्नेत र सदस्य सचिवमा प्रधानाध्यापक उद्धव न्यौपाने रहनु भएको थियो ।
समितिको बैठकले दिवा खाजालाई व्यवस्थित गर्न लालमणि आचार्य र निर्माण समिति तर्फ दिनेश अधिकारीको संयोजकत्वमा समिति गठन गरिएको
प्रधानाध्यापक उद्धव न्यौपानेले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।