तुल बहादुर कवँर मगर
दाङ । दाङको राप्ती गाउँपालिका वडा नं.९ काे विकट गाउँ जाबुनेमा मंगलबार विशेषज्ञ सेवा सहित नि:शुल्क स्वास्थ्य शिविर सम्पन्न भएको छ।
जाबुने सामुदायिक स्वास्थ्य इकाईकाे उद्घाटन कार्यक्रमकाे अवसरमा गाउँपालिकाले आयोजना गरेको उक्त शिविरमा
३९ महिला र ४६ पुरुष गरि ८५ जनाले स्वास्थ्य चेकजाँच गरिएकाे गाउँपालिकाका स्वास्थ्य शाखा प्रमुख नारायण रावतले जानकारी दिनुभयाे।
त्यस्तै शिविरमा २९ जनाकाे मधुमेह जाँच गरिएको थियो ।
शिविरमा स्वास्थ्य सेवा लिन आएका मध्ये धेरै जसाे मधुमेह र उच्च रक्तचापका बिरामीहरु रहेकाे राप्ती स्वास्थ्य विज्ञान प्रतिष्ठानका इमर्जेन्सी विभाग प्रमुख एमडिजिपी डाक्टर उमाकान्त तिवारी बताउनुभयो ।
शिविरमा स्वास्थ्य चेकजाँच गराएका बिरामीहरु लाई नि:शुल्क औंषधी समेत वितरण गरिएको थियो ।
शिविरमा राप्ती स्वास्थ्य विज्ञान प्रतिष्ठानका इमर्जेन्सी विभाग प्रमुख एमडिजिपी डाक्टर उमाकान्त तिवारी , निक साइमनका डाक्टर आशिष दाहाल ,गाउँपालिकाका स्वास्थ्य शाखा प्रमुख नारायण रावत,भालुुवाङ्ग स्वास्थ्य चाैकीका इन्चार्ज कृष्णप्रसाद श्रेष्ठ,अहेब शिव कुमार चाैधरी,यज्ञ बहादुर कार्की ,अमिरुल्ला मिया,ल्याब असिस्टेन्ट स्वागत श्रेष्ठ लगायतले स्वास्थ्य सेवा प्रदान गर्नु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
