दाङ ।घाेराही नगर प्याब्सनकाे आयाेजनामा दाेस्राे घाेराही नगर प्याब्सन रनिङ सिल्ड आगामी पुस ७, ८ र ९ गते हुने भएकाे छ ।

आज शुक्रबार बसेकाे घाेराही नगर प्याब्सनकाे बैठकले दाेस्राे घाेराही नगर प्याब्सन रनिङ सिल्ड आगामी पुस ७, ८ र ९ गते हुने निर्णय गरेकाे हाे ।

रनिङ सिल्डमा प्राथमिक तहदेखि कक्षा १० सम्मका विद्यार्थीहरूलाई सहभागी गराउने उद्देश्यका साथ खेलकुदका विधा समेटिएको अध्यक्ष बीरेन्द्र चन्दले जानकारी दिएका छन् ।

साथै आज बसेकाे बैठकले घाेराही नगर प्याब्सनकाे कार्यसमितिमा रिक्त रहेकाे सदस्य पदमा रमना पाठशालाका प्रिन्सिपल विष्णु हमाललाई मनाेनित गरेकाे छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।