होलेरी । रोल्पाको रुन्टीगढी गाउँपालिकाले जाजरकोट र रुकुम पश्चिमका भूकम्प पीडितहरुलाई एक लाख ५० हजार सहयोग गर्ने निर्णय गरेको छ । पालिकाको बुधबार बसेको कार्यपालिकाको बैठकले सो निर्णय गरेको हो ।

शुक्रबार मध्यरातमा जाजरकोटको रामीडाँडा केन्द्रविन्दु भएर गएको भूकम्पपछिको क्षतिलाई मध्यनजर गरी उद्धार, राहत र पुनस्र्थापनाका लागि एक लाख ५० हजार सहयोग गर्ने निर्णय भएको रुन्टीगढी गाउँपालिकाका अध्यक्ष जनक पुनले जानकारी दिए ।

साथै होलेरी बजारमा अव्यवस्थित रुपमा भएका टहराहरुलाई व्यवस्थापन गर्ने प्रक्रिया अगाडि बढाउने निर्णय भएको समेत अध्यक्ष पुनले बताए ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।