जापान । जापानको एभरेष्ट इन्टरनेशनल स्कूल र राप्ती इञ्जिनियरिङ कलेज दाङबीच शैक्षिक सहकार्यका लागि समझदारी पत्रमा हस्ताक्षर भएको छ ।
जापानको टोकियो स्थित एभरेष्ट इन्टरनेशनल स्कूल र राप्ती इन्जिनियरिङ कलेज बीच एक आपसमा शैक्षिक अनुभव, ज्ञान, सीप र विद्यार्थी आदानप्रदान, सांस्कृतिक आदानप्रदान, अनुसन्धानमा सहयोग र भाषा शिक्षालाई अगाडी बढाउने गरी सोमबार समझदारी पत्र (Memorandum of Understanding -MOU)मा हस्ताक्षर सम्पन्न भएको हो ।
जापानको टोकियोमा आयोजित जापानका लागि नेपाली राजदुत महामहिम डा. दुर्गाबहादुर सुवेदी र नेपालका संघीय सांसद माननीय तेजुलाल चौधरीको रोवहरमा उक्त समझदारी पत्रमा स्कूलको तर्फबाट प्रिन्सीपल विष्णु भट्ट र कलेजको तर्फबाट अध्यक्ष एवं कार्यकारी निर्देशक डा. शैलेन्द्र गिरीले हस्ताक्षर गर्नुभएको छ ।
उक्त कार्यलाई सहजीकरण महामहिम डा. दुर्गाबहादुर सुवेदी र माननीय तेजुलाल चौधरीले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।