दाङ । दाङको अर्जुन खोलामा डुबेर एक सैनिकको मृत्यु भएको छ । शौचालय गर्न जाने क्रममा उनी चिप्लिएर खोलामा खसेका हुन् ।
रणसिंह दल गण घोराहीमा दरबन्दी भइ हाल अर्जुनखोलाको आर्मी पोस्टमा कार्यरत ३० वर्षीय शितल थापाको मृत्यु भएको जिल्ला प्रहरी कार्यालय दाङका प्रहरी प्रवक्ता डीएसपी जनकबहादुर मल्लले जानकारी दिए ।
लमजुङ मध्यनेपाल नगरपालिका-९ का थापा शुक्रबार दिउँसो साढे १२ बजे शौचालय जाने क्रममा करिब २ सय मिटर तल खोलामा खसेको प्रहरीले जनाएको छ ।
आर्मीको पोस्ट नजिकै रहेको कच्ची शौचालय जाने क्रममा थापा खसेको प्रहरीको अनुमान छ । थापा नेपाली सेनाका लेस नायक हुन् ।
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
