काठमाडौं । काठमाडौंमा जारी त्रिकोणात्मक क्रिकेट सिरिज अन्तर्गत नेपालले आज सोमबार यूएईसँग खेल्दैछ ।

मुलपानी क्रिकेट मैदानमा हुने खेल बिहान ११ बजे सुरु हुनेछ । लिग चरणको अन्तिम खेलमा नेपालले यूएईसँग खेल्न लागेको हो । नेपाल एक खेल अगावै प्रतियोगिताको फाइनल प्रवेश गरिसकेको छ ।

नेपाललाई हराउँदै यूएईलाई समेत फाइनल पुग्ने अवसर प्राप्त छ । नेपाल भने फाइनल अघि यूएईविरुद्ध खेल्दै आफुलाई तयार राख्न चाहन्छ ।

तालिकामा नेपालले ३ खेलबाट ६ अंक जोडेर शीर्ष स्थानमा छ । यूएईले २ खेलबाट २ अंक जोडेको छ । हङकङ ३ खेलबाट अंक विहीन हुँदै तालिकाको पुछारमा छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।