घोराही । नेकपा एकीकृत समाजवादी दाङको आज घोराहीमा बसेको सचिवालय बैठकले पार्टीले सुरु गरेको मेची महाकाली समाजवादी जागरण अभियान अन्तर्गत दाङमा हुने कार्यक्रमलाई भव्य र व्यवस्थित बनाउन मूल व्यवस्थापन समितिका साथै विभिन्न उपसमितिहरु गठन गरेको छ ।
एकीकृत समाजवादीका जिल्ला अध्यक्ष भुपबहादुर केसीको संयोजकत्वमा २०१ सदस्यीय मूल व्यवस्थापन समिति गठन गरिएको छ । त्यसैगरि प्रचार प्रसार, आर्थिक, स्वागत, मञ्च व्यवस्थापन, आवास व्यवस्थापन, सांस्कृतिक फाँट र जनपरिचालन समितिमा क्रमशः सूर्य बिसी, गजेन्द्र खड्का, ससमती चौधरी, रामप्रसाद चौधरी, विनोद पुन, हरिकला बाँठा मगर र डिल्लीबहादुर पुनलाई संयोजकको जिम्मेवारी तोकिएको एकीकृत समाजवादी दाङका प्रचार विभाग प्रमुख सूर्य बिसीले जानकारी दिए ।
‘एकीकृत समाजवादीले सुशासन, रोजगारी र सवृद्धिका लागि जनतामा जागरण पैदा गर्ने उद्देश्यले मेची महाकाली जागरण अभियान सुरु गरेको छ । यसको औपचारिक कार्यक्रम यही असोज २२ र २३ गते दाङमा हुनेछ ।’ प्रचार विभाग प्रमुख सूर्य बिसीले जानकारी दिए ।
भुप बहादुर केसीको अध्यक्षतामा बसेको बैठकमा दाङ इञ्चार्ज जोगबहादुर राना, सह इञ्चार्ज अनारकली मियाँ, प्रेम बक्स मियाँ, गुरुप्रसाद महरा, मुकुन्द बहकरी, ससमती चौधरी, विनोद पुन लगायतले मन्तव्य राखेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
