घोराही । घोराही उपमहानगरपालिकाले अट्वारी पर्वमा सार्वजनिक बिदा दिने निर्णय गरेको छ ।

उपमहानगरले थारु समुदायको अट्वारी पर्वको अवसरमा भदौ ३१ गते आइतबार सार्वजनिक बिदा दिने भएको हो ।

उपमहानगरको भदौ २६ गते मंगलबार बसेको नगर कार्यपालिकाको बैठकले सो पर्वको अवसरमा सार्वजनिक बिदा दिने निर्णय गरेको थियो ।

अट्वारी पर्वको दिन घोराही उपमहानगरपालिका र उपमहानगरपालिका अन्तर्गत रहेका सबै कार्यालय, सामुदायिक तथा संस्थागत विद्यालयहरुमा समेत सार्वजनिक बिदा दिने निर्णय भएको उपमहानगरले जनाएको छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।