रुकुम। रुकुम पश्चिममा विद्यालयबाट घर फर्किने क्रममा बाढीले बगाउँदा दाजु–बहिनीको मृत्यु भएको छ । मृत्यु हुनेमा चौरजहारी नगरपालिका–६ का १० वर्षीय मनोज बुढाथोकी र उनकी ६ वर्षीय बहिनी भावना बुढाथोकी रहेको रुकुम प्रहरीले जनाएको छ ।
रुकुम पश्चिमका प्रहरी प्रमुख नवराज भट्टराईका अनुसार उनीहरूसँगै विद्यालयबाट घर आउँदै थिए । स्थानीय म्याउला खहरे खोलाको बाढीले बगाई घटनास्थलभन्दा केही तल शव फेला पारिएको उनको भनाइ छ । घटना आइतबारको हो ।
डीएसपी भट्टराईका अनुसार स्थानीयको सहायतामा खोजतलास गरी आइतबार राती नौ बजेमात्र उनीहरूको शव फेला परेको थियो ।
उनीहरू गाउँकै घर्तिकाँडा आधारभूत विद्यालयमा अध्ययनरत थिए । दाजु मनोज ३ र बहिनी भावना १ कक्षामा अध्ययनरत रहेको प्रहरीले बताएको छ ।
‘खासै अरू समयमा पानी हुँदैनथ्यो, बाढी आएका बेला सँगै तर्न खोज्दा घटना घटेको जस्तो छ,’ डीएसपी भट्टराईले भने ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
