काठमाडौं / नेकपा, नेकपा (एकीकृत माओवादी), नेकपा (एस) र जसपा रहेको चार दलीय समाजवादी माेर्चाकाे दाेस्राे बैठक साेमबार बिहान ७:५० मा सुरु भएर ९ बजे सम्पन्न भएको छ ।
नेकपा (एस) काे केन्द्रीय कार्यालय, आलाेकनगरमा भएको बैठकमा सबै शिर्षस्थ नेताहरूको उपस्थिति थियो । विप्लव नेकपाबाट महासचिव विप्लव सी, प्रवक्ता प्रकाण्ड सी, स्थायी समिति सदस्य सन्ताेष सी र उमा सी ‘शिलु’ ले पार्टीको नेतृत्व गरेका थिए ।
समाजवादी माेर्चाले के के निर्णय गर्याे ?
समाजवादी माेर्चाकाे बैठकले यहीँ भदौ ८ गतेदेखि देशका सबै प्रदेशमा समाजवादी माेर्चा घाेषणाकाे सन्देशसभा गर्ने निर्णय गरेको छ ।
बैठकमा सहभागी नेकपाका प्रवक्ता प्रकाण्डले दिएको जानकारी अनुसार ८ गते विरगञ्ज, १२ गते बुटवल, १३ गते धनगढी, १४ गते सुर्खेत, १५ गते पाेखरा, २३ गते हेटौंडा, २५ गते विराटनगरमा सन्देशसभा गर्ने भएको छ ।
सभामा सबै शिर्षस्थ नेताहरूले सम्बाेधन गर्नेछन् । साेही कार्यक्रममा माेर्चाकाे प्रदेशस्तरीय संरचना पनि घाेषणा हुनेछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।