दाङ । लुम्बनी प्रदेशको राजधानी दाङमा रहेको राप्ती इञ्जिनियरीङ कलेजले स्नातक तहका कार्यक्रममा भर्ना आह्वान खुल्ला गरेको छ । कलेजले एक सुचना जारी गर्दै स्नातक तहका विभिन्न तीनवटा कार्यक्रमका लागि भर्ना आह्वान गरिएको जनाएको छ ।

कलेज प्रबन्धक निर्देशक डा.भीमसेन गिरी कक्षा १२ को नतिजा सार्वजनिक भएसँगै ब्याचलरका विभिन्न कार्यक्रममा भर्ना सुरु गरिएको जानकारी दिनु भयो उहाँका BCA, BE Civil र BE ELE & Comm. मा भर्ना खुल्ला गरिएको छ ।

हरियाली र शान्त वातावरणमा पढाइ सञ्चालन हुँदै आएको कलेजले BCA मा ४३ जना BE Civil ४३ जना र BE ELE & Comm.४३ जना विद्यार्थीहरुका लागि सिमित सिटमा भर्ना खुला गरिएको जनाएको छ । बिहान ७ बजेदेखि अपरान्ह ५ बजेसम्म कलेजको लेखा शाखामा पुगेर विद्यार्थीहरुले आफुले रोजेको विषयमा पढ्नको लागि कार्यक्रम छनोट गरि भर्नाहुन सक्ने व्यवस्था कलेजले मिलाएको छ ।

कलेजले हालैमात्र विद्यार्थीहरुका लागि अत्याधुनिक कम्प्युटर ल्याव तयार गरेको छ । कलेजका प्रिन्सिपल रेशम गिरीले स्नातक तहमा अध्ययन गर्न आउने विद्यार्थीहरुका लागि नयाँ कम्प्युटर ल्याव प्रयोग गरिने बताउनु भयो । कलेजसँग यस अघिनै ४८ जना विद्यार्थीहरुले एकै पटक प्रयोग गर्न सक्ने कम्प्युटर ल्याव भएपनि नयाँ विद्यार्थीहरुका लागि आधुनिक ल्याव निर्माण गरिएको हो ।

विसं २०६५ सालमा स्थापना भएको कलेलले सफल नेतृत्व, चुस्त व्यवस्थापन र गुणस्तरी शिक्षा प्रदान गर्द आइरहेको छ । कलेजले स्थापनाकै पहिलो व्याच मै विश्वविद्यालयको इञ्जिनियरिङ संकाय तफ प्रथम र विसिए कार्यक्रमको पाँचौ व्याचमा गोल्ड मेडल प्राप्त गर्न सफल भएको छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।