दाङ। दाङमा आत्महत्याबाट एक बर्षमा दुई सय १९ जनाको मृत्यु भएको छ । आर्थिक वर्ष २०७९/०८० मा दुई सय १९ जनाले आत्महत्या गरेको जिल्ला प्रहरी कार्यालय दाङको तथ्यांकमा उल्लेख छ ।
यस आर्थिक बर्षमा १ सय ७३ जनाले झुण्डीएर, ३५ जनाले बिष सेवन गरेर र ८ जनाले आत्महत्या दुरुत्साहन र नदिमा हाम फालेर ३ जनाको मृत्यु भएको जिल्ला प्रहरी कार्यालय दाङका प्रवक्ता एवं प्रहरी नायव उपरिक्षक राजनकुमार गौतमले जानकारी दिनुभयो । जसमा ८ जनाको आत्महत्या पश्चात आत्महत्या दुरुत्साहनको मुद्धा परेको पनि उहाँले बताउनुभयो ।
आर्थिक वर्ष २०७९/०८० मा २ सढ १९, आर्थिक वर्ष २०७८/२०७९ मा २ सय २०, आर्थिक वर्ष २०७७/७८ मा २ सय ४१ र आर्थिक वर्ष २०७६/२०७७ मा २ सय ३१ जनाले आत्महत्या गरेको गौतमले जानकारी दिनुभयो ।
विभिन्न मानसिक तनाबका कारण, प्राकृतिक प्रकोपका कारण, पारिवारिक कलह, दिर्घरोग, काममा असफलताका कारण मानिसहरुले आत्महत्या गर्ने गरेको प्रहरीको भनाई छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
