घोराही । दाङमा खोलाले बगाएर बेपत्ता हुनुभएका ६४ वर्षीय वृद्धको शव फेला परेको छ ।
पत्रे खोलाले बगाउँदा बेपत्ता हुनुभएका घोराही उपमहानगरपालिका–११ निवासी ६४ बर्षीय तिलकराम विकको शव फेला परेको जिल्ला प्रहरी कार्यालय दाङका सूचना अधिकारी एवं प्रहरी नायव उपरिक्षक राजनकुमार गौतमले जानकारी दिनुभएको छ ।
उहाँका अनुसार आइतवार विहान करिव साढे ८ बजेतिर घर नजिकै रहेको पत्रे खोलाले बगाउँदा बेपत्ता हुनुभएको थियो । प्रहरी नायव उपरिक्षक गौतमले भन्नुभयो,‘घरमा शौचालय नभएका कारण दिशा गर्न खोला गएको समयमा विक बग्नुभएका विक दिउँसो मृत अवस्थामा भेटिनुभएको छ ।’
उहाँका अनुसार शव घोराही उपमहानगरपालिका–९ तेघरास्थीत हापुर खोलामा जंगलमा घोप्टो परेको अवस्थामा फेला परेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
