घोराही । रोल्पामा बस दुर्घटना हुँदा ४ जनाको मृत्यु भएको छ भने १५ घाइते भएका छन् ।
रोल्पाको शहीमार्ग अन्तर्गत बागमाराबाट दाङ घोराही आउँदै गरेको ना ५ ख २६१२ नम्बरको यात्रुबाहक बस त्रिवेणी गाउँपालिका–७ तिलाबजार नजिकै दुर्घटना हुँदा एकजना महिलासहित ३ जना पुरुषको मृत्यु भएको छ भने अन्य १५ जना घाइते भएको इलाका प्रहरी कार्यालय होलेरीका प्रमुख प्रहरी निरीक्षक मधुसूधन विश्वकर्माले जानकारी दिए ।
दुर्घटनामा परी घाइते भएका सबैलाई उद्धार गरेर रोल्पाको रेउघास्थित जिल्ला अस्पतालमा उपचारका लागि पठाइएको प्रहरीले जनाएको छ । मृतकहरुको पहिचान हुन बाँकी छ ।
बाटो चिप्लो भएर बस दुर्घटना भएको हुनसक्ने प्रहरीको पराम्भिक अनुसन्धान रहेको छ । मंगलबार दिउँसो १ बजेतिर ना ५ ख २६१२ नम्बरको बस सडकबाट करिब १०० मिटर तल खसेर दुर्घटनाग्रस्त भएको प्रहरीले जनाएको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।