तुलसीपुर । दाङको तुलसीपुरमा अर्को बलात्कारको घटना भएको छ । तुलसीपुरमा १४ वर्षिया बालिका बलात्कृत भएकी छिन् । मंगलबार दिउसो साढे २ बजेतिर १४ बर्षीया बालिका बलात्कृत भएकी हुन् ।
बलात्कारको आरोपमा प्रहरीले तुलसीपुर उपमहानगरपालिका–११ निवासी २३ वर्षीय बिनोद वलीलाई पक्राउ गरेको छ ।
इलाका प्रहरी कार्यालय तुलसीपुरका प्रहरी निरीक्षक पर्वत केसीका अनुसार वलीले ति बालिकालाई घर नजिकैको मकै बारीमा बोलाई बलात्कार गरेका हुन् ।
बलात्कार पछि अचेत अवस्थामा रहेको अवस्थामा उनकी आमाले भेटाएकी थिइन् । अहिले उनको अवस्था सामान्य रहेको छ । वलीलाई विहीबार पक्राउ गरि अनुसन्धान थालिएको प्रहरीले बताएको छ ।
केही दिन अघि मात्रै तुलसीपुरमा ७३ बर्षीया बृद्ध महिला र ११ बर्षीया बालिका बलात्कृत भएका थिए । तुलसीपुरमा पछिल्लो समय बालात्कारका घटना बढिरहेका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।