घोराही । बंगलाचुली गाउँपालिकामा आर्थिक वर्ष २०७९/०८० असार मसान्तसम्म ४० वटा मुद्धा दर्ता भएका छन् ।
पालिकाको न्यायीक समितिमा दर्ता भएका ४० मुद्धा मध्ये २५ वटा घरायसी झगडाका मुद्धा दर्ता भएका हुन् ।
बंगलाचुली गाउँपालिकाको न्यायिक समितिका संयोजक भक्तबहादुर जिसीले आर्थिक वर्ष २०७९/०८० असार २७ गतेसम्म ४० वटा मुद्धा दर्ता भएको र त्यसमा सबैभन्दा बढी घरायसी झगडाका मुद्धाहरु दर्ता भएको बताए ।
उनले घरयासी झगडामा २५ वटा, लेनदेन सम्बन्धी ३ वटा, साधी सीमान, राहत तथा क्षेतिपूर्ति र लघुवित्त पीडित सम्बन्धी २/२ वटा मुद्धा, लघुवित्त, विव्यस, सडक मर्मत, मानहानीसहित लेनदेन, फिल्ड निर्माण र खानेपानी तथा सरसफाइ सम्बन्धी १/१ वटा गरी ४० मुद्धा दर्ता भएको जानकारी दिए ।
न्यायिक समितिमा दर्ता भएको ४० वटा मुद्धा मध्ये १५ वटा मुद्धा मिलापत्र भएको, १० वटा अदालतमा पठाएको, ३ वटा मुद्धा तारेखमा र ८ वटा मुद्धा छलफलको प्रक्रियामा रहेका न्यायिक समितिका संयोजक जिसीको भनाइ छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
