घोराही । दाङको बंगलाचुली गाउँपालिका – ५ मुर्कुट्टीका अग्निपीडित उमबहादुर वलीको घर निर्माणको लागि आर्थिक सहयोग जुट्ने क्रम जारी रहेको छ । रोजगारीका लागि हाल दक्षिण कोरियामा रहेका नेपाली युवाहरुले अग्निपीडित वलीलाई ३० हजार रुपैंया सहयोग गरेका छन् ।
पीडित परिवारलाई सानो सहयोगले पनि ठूलो काम गर्छ भन्दै बंगलाचुली निवासी हेमकुमार वली, निराजन महरा, भानुभक्त वली, सरेश वली, प्रकाश चन्द घर्ती, सन्तोष जिसी, मनोज वली, विपिन महरा र केशव वलीले प्रतिव्यक्ति ३ हजारका दरले ३० हजार आर्थिक सहयोग गरेका हुन् ।
अग्निीपीडित उमबहादुर वलीले दुई वर्षको बच्चाले आगो खेलाउने क्रममा गत असार ४ गते घरमा आगलागी भएको बताए । उनले घरमा आर्थिक अवस्था कमजोर भएको हुँदा घर निर्माण गर्न निकै समस्या रहेका बेलामा स्थानीय सरकार, स्टमित्र र युवाहरुले गरेको सहयोगले घर निर्माणको प्रक्रिया अगाडि बढाएको समेत जानकारी दिए । साथै घर निर्माण गर्नका लागि सहयोग गर्न चाहने इच्छुक जो कोहीले सहयोग गर्न सक्ने उनलको भनाइ छ ।
सहयोग गर्न चाहने व्यक्तिहरुले अग्निपीडित वलीको सम्पर्क नं. ९८४१८१७५२७ वा सिधै उमबहादुर वलीको बंगलाचुलीमा रहेको सिटीजन बैंक खाता नम्बर ०६७०१०००००३८२०४१ मा सहयोग गर्न सकिनेछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
