रोल्पा । रोल्पामा जंगली च्याउ खाँदा एक बालकको मृत्यु भएको छ । रोल्पाको लुङ्ग्री गाउँपालिका वडा नं. ५ बुझिङका ६ वर्षिय बालक प्रेम गुरुङको आज बिहान ७ बजे मृत्यु भएको हो ।
असार २६ गते बुझिङ कालोपहर बस्ने दुर्गे गुरुङको श्रीमती ३३ बर्षकी भिमा गुरुङ, ११ वर्षका सुशिल गुरुङ र बर्ष ६ को प्रेम गुरुङले च्याउ खाई बिरामी परेको प्रहरी चौकी किलाचौरले जानकारी दिएको छ ।
उनीहरुलाई उपचारको लागि २७ गते लुम्विनी प्रादेशिक अस्पताल बुटवलमा लगिएको थियो । च्याउ खाँदा विरामी भएका भिमा गुरुङ र सुशिल गुरुङ अहिले बोल्न नसक्ने अवस्थामा रहेको अस्पताल श्रोतले जानकारी दिएको छ ।
उनिहरुले कुन प्रजातिको च्याउ खाएका हुने भन्ने बारेमा अहिले सम्म खुल्न नसकेको इलाका प्रहरी कार्यालय रोल्पाका प्रमुख ओमप्रकाश वाग्लेले जानकारी दिनुभएको छ ।
श्रीमान रोजगारको शिलशिलामा कतारमा रहेको र घरमा ३ जना मात्र रहेको प्रहरीको भनाई छ । माईतको बुवा आईते बुढा मगरले उपचारका लागि अस्पताल पुर्याउँनु भएको बताइएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
