घोराही । राप्ती स्वास्थ्य विज्ञान प्रतिष्ठान घोराहीमा अक्सिजनको सिलिण्डर विष्फोट हुँदा एक जना बालक गम्भीर घाइते भएका छन् ।
प्रतिष्ठानको एमआरआई कक्षमा डाक्टरको लापर्बाहीको कारणले अक्सिजनको सिलिण्डर विष्फोट हुँदा घोराही–३ बर्गद्धी निवासी ११ वर्षीय आक्रोश नेपाली गम्भीर घाइते भएका हुन् ।
गम्भीर घाइते बालकको अहिले भेन्टिलेटरमा राखेर उपचार भइरहेको भनिएतापनि आफन्तले भने मृत्यु भएको आशंका गरेका गरेका छन् ।
मंगलबार साँझ बालक एक्कासी बिरामी भएपछि राप्ती स्वास्थ्य प्रतिष्ठान घोराहीमा ल्याइएको र चिकित्सकको सल्लाह अनुसार बालकलाई भर्ना गरिएको थियो ।
हस्पिटलमा भर्ना गरेको १२ घण्टापछि बालक विस्तारै निको हुँदै गएको र डाक्टरले बेहोस हुनुको कारण एमआरआई गरेपछि मात्र थाहा हुने भनेपछि बालकलाई एमआरआईको तयारी गरिएको बालक फुपु रुपा नेपालीले बताइन् ।
बालकका फुपु रुपा नेपालीका अनुसार दुई पटकसम्म बालकलाई एमआरआई कक्षमा लगेपनि बालक डराएको र तेस्रो पटक चिकित्सको सल्लाह बमोजिम बालकलाई बेहोस बनाइ एमआरआइ कक्षमा लगिएको थियो ।
बालकलाई श्वासप्रश्वासमा समस्या देखिएपछि एमआरआइ कक्षमा अक्सिजन लगिएको र बालकलाई अक्सिजन दिँदै गर्दा अक्सिजनको सिलिण्डर विष्फोट भएको थियो ।
एमआरआइ कक्षमा धातुजन्य वस्तु लग्न नमिल्ने भएतापनि अक्सिजनको सिलिण्डर एमआरआइ कक्षमा लग्नु डाक्टरको चरम लापर्बाहीको भएको आफन्तहरुको भनाइ रहेको छ ।
यो घटनाको बारेमा अहिले केही बोल्न नमिल्ने अस्पताल प्रशानसले जनाएको छ ।
यस विषयमा अहिले दुई पक्षको बैठक बसिरहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
