घोराही । रोल्पाको रुन्टीगढी गाउँपालिकाको सार्वजनिक सुनुवाइ कार्यक्रम स्थगित गरिएको छ ।
रुन्टीगढी–४ का वडाध्यक्ष टंकबहादुर पुनको आज बुधबार उपचारको क्रममा निधन भएपछि पालिको सार्वजनिक सुनुवाइ कार्यक्रम अर्काे सूचना नआएसम्मका लागि स्थगित गरिएको हो ।
रुन्टीगढी गाउँपालिकाका प्रमुख प्रशासकीय अधिकृत रेमन्त बहादुर डाँगीले बुधबार एक सूचना जारी गर्दै रुन्टीगढी गाउँपालिका– ४ का वडाध्यक्ष टंकबहादुर पुनको आज असायिक निधन भएको हुँदा भोलि अर्थात असार २८ गते बिहीबार तय गरेको गाउँपालिकाको सार्वजनिक सुनुवाइ कार्यक्रम अर्काे सूचना नहुँदासम्मका लागि स्थगित भएको जानकरी दिए ।
यस्तो, छ गाउँपालिकाले जारी गरेको सूचना:
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।