घोराही । रोल्पाको रुन्टीगढी गाउँपालिका वडा नम्बर ४ का वडाध्यक्ष टंकबहादुर पुनको निधन भएको छ । बिरामी भएका ४१ वर्षीय वडाध्यक्ष पुनको उपचारको क्रममा बुधबार निधन भएको हो ।

वडाध्यक्ष पुन मंगलबार एक्कासी बिरामी भएपछि उपचारका लागि राप्ती स्वास्थ्य विज्ञान प्रतिष्ठान घोराहीमा ल्याइएको थियो ।

सामान्य बिरामी भएका पुनले स्थानीय स्वास्थ्य संस्थामा उपचार गराई औषधी सेवन गरिरहेको परिवारले जनाएका छन् ।

पुन गत स्थानीय निर्वाचनमा नेपाली कांग्रेसबाट वडाध्यक्षमा निर्वाचित भएका थिए ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।