तुलसीपुर । पातुखोलामा डुबेर शनिबार एक बालकको मृत्यु भएको छ । तुलसीपुर उपमहानगरपालिका–७ गैरापातु निवासी तुलसी दमाईका ११ बर्षीय छोरा रबिन परियारको पातुखोलामा डुबेर मृत्यु भएको इलाका प्रहरी कार्यालय तुलसीपुरका प्रमुख डिएसपी पुष्पराज मल्लले जानकारी दिएका छन् ।
साथीसँगै खोलामा नुहाउन गएका बालक डुबेको अवस्थामा स्थानीयले फेला पारेको इलाका प्रहरी कार्यालय तुलसीपुरका प्रमुख मल्लले जानकारी दिए ।
प्रहरी प्रमुख मल्लका अनुसार पानीमा डुबेको अवस्थामा बालकको उद्धार गरेर उपचारका लागि राप्ती प्रादेशिक अस्पताल तुलसीपुरमा लगिएको थियो । उनको दिउँसो साढे तीन बजेतिर उपचारका क्रममा मृत्यु भएको प्रहरीले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।