घोराही।दाङ महिला जेसिस वर्ष २०२३ का उपाध्यक्ष भिमा डिसीले आफ्नो जन्मदिन विद्यार्थि बालबालिकालाई सहयोग गर्दै मनाउनु भएको छ ।
घोराही उपमहानगरपालिका वडा नंम्वर १७ मा रहेको आधारभुत विद्यालय भैसाहीमा पुगेर दाङ महिला जेसिसको आयोजनामा एक कार्यक्रम गरी बालबालिकालाई शैक्षिक सामाग्रीका साथै चकलेट वितरण गर्दै उनिहरुसँग जन्मदिन मनाउनु भएको छ ।
दाङ महिला जेसिस वर्ष २०२३ का अध्यक्ष नारायनी भण्डारीको अध्यक्षता तथा विद्यालय व्यवस्थापन समितीका अध्यक्ष तुलप्रसाद घिमिरेको प्रमुख आतिथ्य एवं जन्मदिन मनाईरहनु भएकी डिसीकी आमा कलावती डिसीको विशिष्ठ आतिथ्यमा औपचारिक कार्यक्रम गरिएको थियो ।
विद्यालयमा अध्ययनरत ७३ जना विद्यार्थिहरुलाई स्टेशनरी समानहरु कापि, कलम, खेलकुद सामाग्रीका साथै चकलेट वितरण गरिएको विद्यालयका प्रधानाध्यापक योगमाया भण्डारीले जानकारी दिनुभएको छ ।
कार्यक्रममा जन्मदिन मनाईरहनु भएकी डिसीकी आमा कलावती डिसीलाई दोसल्ला ओडाएर सम्मान समेत गरिएको थियो । कार्यक्रममा बोल्ने बक्ताहरुले अन्य फजुल खर्च गर्नुभन्दा यसरी बालबालिकालाई सहयोग गर्दै जन्मदिन मनाउने काम प्रसंशनिय भएको बताएका थिए ।
यस्तै दाङ महिला जेसिस वर्ष २०२३ का उपाध्यक्षका साथै अनेरास्ववियुको निवर्तमान केन्द्रिय सदस्य तथा नेकपा एमाले रोल्पाका सदस्य समेत रहनु भएकी भिमा डिसीले समाज कल्याण केन्द्र दाङले थालेको खुत्रुके बचत अभियानमा पनि सहयोग गर्नुभएको छ । केन्द्रका अध्यक्ष निर्माला गौतमलाई भेट गरी केन्द्रले लागु औषध दुव्र्यसन न्यूनिकरणका लागि थालेको अभियान र आमा शिक्षा कार्यक्रमको प्रभाव समाजमा राम्रो देखिएको भन्दै एक रुपैयाँ खुत्रुके बचत अन्तरगत ५ हजार रुपैयाँ सहयोग गर्नुभएको छ ॥
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
