घोराही । दाङको घोराही उपमहानगरपालिका – १५ मा रहेको भिएन स्कूल एण्ड कलेजमा विद्यार्थीले गुरुहरुलाई सम्मान गरेका छन् । गुरु पूर्णिमाको अवसरमा सोमबार एक कार्यक्रमका बीच विद्यार्थीले विद्यालयका शिक्षक तथा शिक्षिकाहरुलाई सम्मान गरेका हुन् ।
विद्यालयका निर्देशक वसन्त प्रसाद रिजालले कार्यक्रमको उद्घाटन गर्दै विद्यार्थीहरुलाई आशिर्वाद दिँदै गुरु पूर्णिमाको संस्कारलाई निरन्तरता दिने बताए । कार्यक्रमका प्रमुख अतिथि समेत रहेका रिजालले आफूलाई हरेक क्षेत्रमा मार्गनिर्देश गर्ने गुरुहरुलाई उच्च सम्मान गर्नुपर्ने कुरामा जोडका थिए ।
कार्यक्रममा विद्यार्थीहरुले आफूलाई शिक्षा प्रदान गर्ने शिक्षक तथा शिक्षिकाहरुलाई टीका र खादा लगाएर सम्मान गरेका थिए ।
सोही अवसर पारेर विद्यालयमा अध्ययनरत विद्यार्थीहरुबीच कविता प्रतियोगिता भएको समेत विद्यालय प्रशासनले जनाएको छ ।
कार्यक्रमको संयोजन विद्यालयकी कोर्डिनेटर शान्ति हमालले गरेकी थिइन् ।
आफूलाई शिक्षा प्रदान गर्ने गुरुको सम्मानमा शिष्यहरूले विभिन्न मिष्ठान्न भोजनका साथ श्रद्धाभाव प्रकट गर्ने परम्परा रही आएको र गुरुलाई आमा वुवा सरह मान्ने प्रचलन रहेको छ ।
विद्यालयका प्रिन्सीपल द्रोण खड्काको अध्यक्षता एवं विद्यालयका निर्देशक वसन्त प्रसाद रिजालको प्रमुख आतिथ्यतामा भएको कार्यक्रममा शिक्षक तथा विद्यार्थीहरुको सहभागिता रहेको थियो ।
विद्यालयमा अध्ययनरत कक्षा ३ का छात्रा प्रिसा हमालको स्वागत गीतबाट सुरु भएको कार्यक्रमको सहजीकरण कक्षा ९ अध्ययनरत छात्रा प्रतीक्षा सुनारले गरेकी थिइन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।