घोराही । दाङको घोराहीमा दलित भनेर विभेद गर्ने घरबेटी पक्राउ परेका छन् ।
पीडितको उजुरीको आधारमा प्रहरीले घोराही उपमहानगरपालिका–१७ निवासी ताराप्रसाद पोख्रेललाई पक्राउ गरेको हो ।
पोख्रेलले आफ्नो घरमा डेरागरी बस्ने अंगराज परियार र महेन्द्र बिश्वकर्मालाई जातकै आधारमा विभेद गर्दै कोठा छोड्न दबाव दिएको आरोप रहेको जिल्ला प्रहरी कार्यालय दाङका प्रवक्ता एवं प्रहरी नायव उपरिक्षक राजनकुमार गौतमले जानकारी दिनुभएको छ ।
पोख्रेलले घरमा कोठागरी बस्ने दुई जनालाई दलित भएको थाहा पाएपछि शुक्रबार कोठा छोड्न दबाब दिएको भन्दै पीडितहरुले प्रहरीमा उजुरी दिएको प्रहरीले जानकारी दिएको छ । उहाँहरु दुवै जना संचार क्षेत्रमा आवद्ध हुनुहुन्छ ।
प्रेस सेन्टर नेपाल दाङ शाखा र दलित पत्रकार संघले परियार र विश्वकर्मामाथि भएको घटनाको बिरोध जनाउँदै घट्नामाथि सत्यतथ्य अनुसन्धान गर्दै दोषीमाथि कारबाहीको माग गरेका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
