सल्यान । मलेसियामा सडक दुर्घटनामा परि एक नेपालीको मृत्यु भएको छ ।
वैदेशिक रोजगारका लागि मलेसिया पुगेका सल्यानको बनगाड कुपिण्डे नगरपालिका वडा न.- ११ रैकरका ३१ वर्षका प्रकाश वलीको साइकल दुर्घटनाबाट ज्यान गएको हो। 
बुधबार डिउटीबाट फर्कँदै गर्दा साँझ साइकलमा भएको दुर्घटनामा परि वली गम्भीर घाइते भएका वलीको उपचारको क्रममा बिहीबार बिहान मृत्यु भएको उनका आफन्त हिरालाल वलीले जानकारी दिए ।
मलेसियाको काजाङ्ग भन्ने ठाउँमा साइकलबाट लडेर उनको मृत्यु भएको बताइएको छ रोजगारीको शिलशिलामा १ वर्ष पहिले मलेसिया पुगेका वलीका श्रीमती र ३ वटा छोराहरू रहेका छ्न् ।
छिटै उनको शव नेपाल ल्याउन पहल गरिदिन हुन मृतक वलीको परिवारले सबैमा अनुरोध गरेको बताइएकोछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
