श्रवण कुमार यादव
देउखुरी। दाङ देउखुरीको गढवामा बुधबार मधेसी समुदायको सशक्तीकण सम्बन्धी अभिमुखकरण कार्यक्रम सम्पन्न भएको छ।
कार्यक्रम श्री जनता माध्यमिक विद्यालयको सभाहलमा मधेशी आयोग ज्वत्रल ललितपुरको आयोजनामा निश्चित मधेसी समुदाय र जातिको इतिहास, संस्कृतिको पहिचान, हकहितको संरक्षण र संवद्र्धन तथा सशक्तीकरणका लागि अभिमुखिकरण कार्यक्रम मधेसी आयोगका माननीय विजय कुमार गुप्ताको अध्यक्षतमा सम्पन्न भएको छ।
उक्त कार्यक्रममा प्रमुख अतिथि प्रशिक्षक तथा यादव समाज महासंघका केन्द्रीय उपाध्यक्ष भगवानदाश यादव, अतिथी मधेसी आयोगका सचिव श्री रुद्र प्रसाद लामिछाने, यादव समाज सेवा संघका पूर्व अध्यक्ष हरि राम यादव, जनता माध्यमिक विद्यालय गढवाका प्रधानाध्यापक रमसुरत यादव, जनज्योति माध्यमिक विद्यालय राजपुर-२, मेटरियाका प्रधानाध्यापक केशव राम यादव, रोजी बड्स बाल बाटिकाका प्रधानाध्यापक राजु यादव, शिक्षक राम कुमार यादव, बोध प्रकाश यादव, हेमन्त कुमार यादव, स्वामी दयाल यादव, यादव विद्यार्थी संघका अध्यक्ष सुदिप यादव लगाएतका यादव समुदायका बुद्धिजीवी, युवा, विद्यार्थी भाइबहिनीहरूको उपस्थिति रहेको थियो।
यस अभिमुखीकरणमा कार्यक्रमको विषय वस्तुमा प्रवेश गर्दै मधेशी आयोगका सचिव रुद्र प्रसाद लामिछानेले अब मधेशी समुदायका लागि अवधि भाषामा लोकसेवा आयोग पास हुने व्यवस्था हुनुपर्ने कुरा सोच्नुपर्ने बताउनुभयो। त्यस्तै कार्यक्रममा प्रमुख अतिथि प्रशिक्षक तथा यादव समाज महासंघका केन्द्रीय उपाध्यक्ष भगवानदाश यादवले मधेसी समुदायको परिचय, भाषा, संस्कृति, रहनसहन, मधेशी समुदायको अवस्था लगायतका समसामयिक विषयमा प्रशिक्षण गर्नु भएको थियो।
आजको अभिमुखीकरण कार्यक्रममा रेडियो सँझा आवाज गढवाका हेडलाइन म्यानेजर तथा देउखुरी क्षेत्रका क्रियाशील पत्रकार दुःख हरण यादवले सहजीकरण गर्नु भएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
