दाङ । घोराही उपमहानगरपालिका– ८ नम्वर वडा अध्यक्ष जितेन्द्र शाहले वडा अध्यक्ष पदबाट राजिनामा दिएका छन्। बजेटको बिषयमा असन्तुष्टि जनाउँदै वडा अध्यक्ष शाहले आज पदबाट राजिनामा दिएका हुन् ।
एमालेबाट निर्बाचित शाहले घोराही उपमहानगरपालिकाको १३ औं नगरसभामा राजिनामा पत्र नगर प्रमुख नरुलाल चौधरीलाई बुझाएर नगरसभा बाहिरिएका हुन् । पटक पटक आफ्नो वडामा बजेट हाल्ने आश्वासन दिएपनि त्यो आश्वासनमै सिमित पारेको भन्दै शाहले मेयरसंग चर्को असन्तुष्टि ब्यक्त गर्दै आएका थिए ।
आफ्नै पार्टीबाट निर्वाचित मेयरले बजेटनै नहाल्दीएपछि उनि पदमा बस्नु भन्दा राजिनामा दिनुनै उपयुक्त हुने ठहर गरेर राजीनामा दिने निष्कर्षमा पुगेको बताए ।
उनले यसअघिको बजेट ल्याउदा पनि फेसबुकमा राजिनामा दिने घोषणा गरेपनी अन्तिममा दिएका थिएनन् । उनले टोलबासी सबैलाई बोलाएर आफुले बजेट हाल्न नसकेको भन्दै राजिनामा दिनका लागि सुझाब सल्लाह लिएका थिए । उनले आफुले आउने मेयरको तयारी गर्ने पनि बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।