घोराही । घोराही उपमहानगरपालिकाले तल्लो कक्षाबाटै शैक्षिक सुधार र गुणस्तरीय शिक्षण सिकाईका लागि शिक्षकहरुलाई तालिम दिने कार्यलाई निरन्तरता दिएको छ । मुख्यमन्त्री शैक्षिक सुधार कार्यक्रमबाट आएको बजेटले उपमहानगरको सामाजिक विकास महाशाखाले पूर्वप्राथमिक एवं प्राथमिक तहका शिक्षकहरुलाई मन्टेश्वरी विधिबाट तालिम दिन थालेको हो ।
उपमहानगरपालिकाले बर्षेनी तालिम सञ्चालन गर्दै आउदा पालैपालो सबै शिक्षकहरुलाई दिने गरेको छ । नगर प्रमुख नरुलाल चौधरीको अध्यक्षतामा कार्यक्रम गरि बिहिबारबाट भरतपुर स्थित पद्मोदय पब्लिक नमूना मावि भरतपुरमा तालिमको सुरुवात गरिएको छ ।
नगर प्रमुख चौधरीले शिक्षाबाटै सबै क्षेत्रको सुधार, विकास, रुपान्तरण हुने भएकाले त्यसका लागि गुणस्तरीय र व्यवहारीक शिक्षा अहिलेको मुख्य आबस्यकता भएको बताउनुभयो । शिक्षण सिकाईलाई कसरी प्रभावकारी बनाउने र विद्यार्थीहरु रमाईलो मानेर कसरी विद्यालयमा आउछन् भन्ने गराउन पनि यो तालिम आबस्यक भएको उहाँको भनाई छ । पूर्व प्राथमिक तहको शिक्षामा सुधार ल्याउन यस बर्षको नीति कार्यक्रममा बिषेश जोड दिईएको समेत उहाँले जानकारी दिनुभयो ।
त्यसैगरी, प्रमुख प्रशासकिय अधिकृत भोजराज घिमिरेले जगबाटै शैक्षिक गुणस्तरमा सुधार ल्याउने सोचका साथ घोराही उपमहानगरपालिका लागेको बताउनुभयो । पढाउने भन्दा सिकाउनेमा बिषेश ध्यान दिन उहाँले सुझाब दिनुभयो । अब विद्यार्थीहरुले डराएर हैन रमाएर पढ्ने बाताबरण बनाउन पनि शिक्षकहरुमा पढाई सिपमा निखारता हुनुपर्ने बताउनुभयो ।
सामाजिक विकास महाशाखा प्रमुख विनोद गौतमले कसरी शैक्षिक सामाग्रीहरु बनाउने र विद्यार्थीहरुको सिकाईमा त्यसको प्रयोग कसरी गर्ने भन्नेमा तालिमलाई केन्द्रित गर्ने बताउनुभयो । कार्यक्रमको सहजिकरण बिपना बर्तौलालले गर्नुभएको थियो । तालिमको प्रशिक्षकहरुमा विमला शर्मा र आशा चौधरी रहनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
