तुल बहादुर कवँर मगर
देउखुरी । दाङको राप्ती गाउँपालिकाले बाख्रा पालक कृषकहरुलाई बोयर बोका वितरण गरिएको छ । गाउँपालिकाले चालु आर्थिक वर्ष २०७९÷०८० को वार्षिक कार्यक्रम अनुसार ५० प्रतिशत लागत साझेदारीमा बोयर बोका वितरण गरेको हो ।
गाउँपालिकाले १८ जना बाख्रा पालक कृषकहरुलाई प्रजनन नश्ल सुधारका लागि ७५ प्रतिशत क्रस बोयर बोका वितरण गरिएको गाउँपालिकाका पशु सेवा शाखाका प्रमुख जीवराज पौडेलले जानकारी दिनुभयो ।
अनुदानमा बोका वितरणका लागि गाउँपालिकाले गत महिनामै आवेदन माग गरेको थियो । प्राप्त आवेदनको आधारमा कृषकहरुलाई बोका वितरण गरिएको शाखा प्रमुख पौडेलले जानकारी बताउनुभयो।
सुर्खेतबाट खरिद गरि ल्याइएका बोयर जातका क्रस बोका गाउँपालिकाका अध्यक्ष प्रकाश विष्ट र उपाध्यक्ष कमलापती चौधरीले सोमबार वितरण गर्नुभएको हो । गाउँपालिकामा रहेका स्थानीय जातका बाख्राहरुमा नश्नल सुधार गरि उन्नत नश्लका बाख्रा उत्पादन गर्न बोका वितरण गरिएको गाउँपालिकाले जनाएको छ ।
नश्ल सुधार गरी गाउँपालिकालाई मासुमा आत्मनिरर्भर गराउने र कृषकको आयस्तर बृद्धि गर्ने उदेश्यले बोयर जातका बोका वितरण गरिएको गाउँपालिकाका अध्यक्ष प्रकाश विष्टले बताउनुभयो । ३२ हजार देखि ५५ हजार मुल्यसम्मका बोका किसानले ५० प्रतिशत अनुदानमा पाएका हुन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
