दाङ । देउखुरीको लमहीमा संचालन रहेको एक होटलबाट ४ जना जुवाडेसहित होटल संचालकलाई प्रहरीले पक्राउ गरेको छ ।
शनिबार दिउँसो लमही-४ शान्तिनगरमा संचालन रहेको कुशल होटल एण्ड लजमा पैसाको जित-हार हुनेगरी जुवा खेलिरहेको भन्ने गोप्य सूचनाका आधारमा वडा प्रहरी कार्यालय लमहीबाट खटि गएको प्रहरी टोलीले जुँवा खेली रहेका जुँवाडे सहित होटल संचालकलाई रंगेहात पक्राउ गरेको हो ।
पक्राउ पर्नेमा लमही नगरपालिका वडा वडा नम्बर १ नर्ती बस्ने वर्ष ३० का शुरेश चौधरी,लमही-२ बनकट्टा बस्ने वर्ष २७ का शुरेश चौधरी,राप्ती गाउँपालिका वडा नम्बर २ लालमटिया बस्ने वर्ष ३५ का सन्तोष चौधरी,कपिलबस्तुको शिवराज नगरपालिका वडा नम्बर १ चन्द्रौटा बस्ने वर्ष ३९ का पन्चम चौधरी गरि चार जना रहेका छन् ।
त्यस्तै जुँवाको खालबाट एक गड्डी तास र नगद ९८ हजार ३० रुपैया बरामत भएको वडा प्रहरी कार्यालयका प्रमुख प्रहरी निरीक्षक शंकर श्रेष्ठले जानकारी दिनुभयो । यस्तै पैसाको हारजित हुने गरी जुँवा खेल्न आफ्नो स्वामित्वमा रहेको होटलको कोठा प्रयोग गर्न दिए वापत उक्त होटल संचालक वर्ष ४० कि पार्वती खड्कालाई समेत नियन्त्रणमा लिई जिल्ला अदालबाट म्याद थपगरी घटना सम्बन्धि थप अनुसन्धान भईरहेको वडा प्रहरी कार्यालय लमहीले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
