गुल्मी । गुल्मी मुसीकोटमा जन्मिएकी सिमा थापा पछिल्लो समय चर्चित लाइभ दोहोरी गायिकाको रुपमा स्थापित हुनुभएको छ ।
विगत चार वर्षदेखि लोक दोहोरीमा उदाएकी थापाले दर्जनौं लाइभ दोहोरीमा स्टेज गरिसक्नुुभएको छ भने चार वटा एम्बममा स्वर दिनुभएको छ । उहाँको नयाँ एल्वम् सार्वजनिक हुने तयारी छ ।
अँध्यारोमा हिडेको, हिड्दाहिड्दै बत्ती निभेको बोलको नयाँ गीत सार्वजनिक गर्ने तयारीमा रहेको थापाले जानकारी दिनुभयो । सो एल्वममा ओम सेञ्चुरी र सिमा थापाले स्वर दिनुभएको छ ।
लोकदोहोरी क्षेत्रमा थुप्रै गायिकाहरुको आगमन भइरहँदा मौलिक आवाजकी धनि सिमा दर्शकमाझ रोजाइको केन्द्रमा पर्न थाल्नुभएको छ । उहाँले राजु परियार, रेशम निर्दोष, सागर बिसी, सुमन परियार, शीतल गुरुङ, बालचन्द्र बराल लगायत धेरै गायकहरुसँग दोहोरीमा निकै जोडी जमाउनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
