कमल खड्का
होलेरी । पूर्ण सरसफाईका लागि सरसफाई सहजकर्ताहरुको प्रशिक्षक प्रशिक्षण तालिम रोल्पाको होलेरीमा सम्पन्न भएको छ । जेठ ७ गते आइतबारबाट सुरु भएको तालिम बुधबार सम्पन्न भएको हो ।
रुन्टीगढी गाउँपालिका रोल्पाको आयोजनमा भएको तालिमको प्रशिक्षकमा वास रोल्पाका फोकल पर्सन भोला नाथ आचार्य र दामोदर प्रसाद आचार्य रहनु भएको थियो ।
रुन्टीगढी गाउँपालिका प्रमुख प्रसाशकीय अधिकृत रेमन्त बहादुर डागीको स्वागत मन्तव्यबाट सुरु भएको तालिम ४ दिन सम्म सञ्चालन भएको हो । तालिममा प्रत्येक ९ वटा वडाबाट दुई-दुई जना गरेर १८ जना सरसफाई सहजकर्ताहरको सहभागीता रहेको थियो ।
तालिमाको समापन रुन्टीगढी गाउँपालिका अध्यक्ष जनक पुनले गर्नु भएको थियो भने सहजीकरण गाउँपालिका फोकल पर्सन धुब्र प्रकास मल्ले गर्नु भएको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
