रोल्पा । समुन्नति परियोजनाद्वारा जलवायु अनुकुलन कृषि सम्बन्धी कार्यक्रम रोल्पाको होलेरीमा सम्पन्न भएको छ । लैङगिक तथा महिलामैत्री योजना तर्जुमा नीति निर्माण र स्रोतमा पहुँच विषयकमा कार्यक्रम भएको हो । स्थानीयतहका जनप्रतिनिधि कर्मचारी सरोकारवाला तथा स्थानीय कृषि समुहको बीचमा एक दिने अन्तरक्रिया कार्यक्रम भएको हो ।

यूके एडको आर्थिक सहयोग, रुन्टीगढी गाउँपालिका कृषक समुहको समन्वय प्राक्टिकल एक्सन नेपाल विकास सरोकार समाज डिकोस रोल्पाको सहजिकरणमा भएको हो । रुन्टीगढी गाउँपालिका अध्यक्ष जनक पुनको अध्यक्षतामा कार्यक्रम भएको थियो ।

कार्यक्रममा लैङगीक समान्ता र सामुदायिक सहभागीताको बारेमा जानकारी तथा छलफल भएको थियो । लैङगीक तथा महिलामैत्री योजना तर्जुमा र बजेट बिनियोजनमा लैङगीक तथा महिलाहरुको पहुच स्थापित गराउने उदेश्यका साथ कार्यक्रम भएको हो । स्थानीय तहमा यस बारे निति निर्माण भएको छ या छैन भएको भए कार्यन्वनको विषयमा लागु गर्न र निति निर्माण नभएको भए बनाउन पहल गर्ने विषयमा छलफल भएको थियो । यसैगरि स्थानीय तहमा बस्ती स्तरको योजना छनोट कार्यक्रम हुन लागेको हुदा  लै स सा स मैत्रीकार्यक्रम र उतरदायि बजेत बिनियोजनका बारेमा छलफल भएको थियो ।

 कार्यक्रममा लै स सा स अधिकृत दिल कुमारी बुढाले विषय बस्तुमाथि छलफल पार्नु भएको थियो भने सहजिकरण सामाजिक परिचालक यादव गिरीले गर्नु भएको थियो । कार्यक्रम रुन्टीगढी गाउँपालिका सभाहलमा सम्पन्न भएको हो ।

Facebook Comments