दाङ । दाङको राप्ती गाउँपालिकाका अध्यक्ष प्रकाश विष्टले आईतवार बेलुकी बिरामी भएर सडक पेटीमा सुतिरहेका एक बेवारिसे ब्यक्तिलाई उद्वार गरि उपचारका लागि अस्पताल पुर्याउनु भएको छ।
अध्यक्ष विष्टले बिरामी भई सिसहनियाँ बजार नजिकै सडक पेटीमा सुतिरहेका प्युठानकाे स्याउलीबाङ घर बताउने अन्दाजी ६० वर्षका ती व्यक्तिलाई प्रहरीकाे सहयोगमा उद्वार गर्नुभएको हाे।
ती व्यक्ति बिरामी भएर सडक पेटीमै सुतेको खबर पाए लगत्तै अध्यक्ष विष्ट उद्वार गर्न त्यहाँ पुग्नु भएको थियो ।
हाल उनको सिसहनियाँ स्थित स्वास्थ्य चाैकीकाे इमर्जेन्सी कक्षामा उपचार भई रहेको छ।
बिरामी भएकै कारण उनले एघार दिन देखि खाना समेत नखाएकाे बताएका छन्। उनी केही वर्ष अघि देखि साे क्षेत्रमा हिडडुल गरिरहेका गरेका थिए।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
