बालाराम शेर्पाली
रुकुमपूर्व / रुकम पूर्वको भूमे गाउँपालिका वडा नम्बर ७ गुमनानमा आधारभूत स्वास्थ्य इकाई उद्घाटन गरिएको छ । हिजो मंगलबार एक कार्यक्रमका बिच भूमे गाउँपालिका अध्यक्ष होम प्रकास श्रेष्ठले आधारभूत स्वास्थ्य इकाईको उद्घाटन गर्नुभएको हो ।
यस अघि सम्म रोल्पा जिल्लाको अस्पताल ठबाङमा रहेको हस्पिटल बाट सेवा लिईरहेका गुनाम बासीलाई अब सहज हुने भएको छ । पहिला सामान्य देखि जटिल खालका समस्या हुदा जिल्ला अस्पताल रुकुमकोट जानु पर्ने कित रोल्पा जिल्लाको अस्पताल ठबाङमा जानु पर्ने बाध्यता रहेको वडा नम्बर ७को अध्यक्ष सङगम रोकाले जानकारी दिनुभयो । सिटामोल खानको लागि आफु धेरै पटक जिल्ला अस्पताल पुगेको बताउनुभयो । अब सिटामोल खानको लागि रुकुमकोट र रोल्पाको ठबाङ धाउन नपर्ने बाध्यता अन्त्य भएको वडा अध्यक्ष सङगम रोकाले जानकारी दिनुभएको छ।
उद्घाटन कार्यक्रममा बोल्दै अध्यक्ष क्षेष्ठले अब गुनाम बासीलाइ सामान्य सिटामोल खानको लागि जिल्ला अस्पताल र रोल्पाको ठबाङ जानु पर्ने बाध्यता अन्त्य भएको बताउनुभयो । यस अघि सम्म सामान्य देखि जटिल खालका समस्या हुदा पनि रुकुमकोट र ठबाङ धाउन गएरेको स्मरण गर्दै अब उक्त दिनहरुको अन्त्य भएको बताउनुभयो ।
गाउँपालिकाको सबै भन्दा विकटको वडा भएको हुँदा यस वडाका महिलाहरुको स्वास्थ्यलाई ध्यानमा राखी जति सक्दो छिटो प्रसूती गृह पनि संचालनमा ल्याउने बताउनुभयो । सामुदायिक स्वास्थ्य इकाईबाट मङ्गलबार देखि नै सेवा सुरु भइ सकेको छ ।
वडा अध्यक्ष सङगम रोकाको अध्यक्षता रहेको कार्यक्रम जिल्ला समन्वय समितिका मेघबहादुर श्रेष्ठ भूमे गाउँपालिका अध्यक्ष होम प्रकास क्षेष्ठ , उपाध्यक्ष सबिना बुढाको विशेष आथिथ्यता रहेको थियो । यस्तै कार्यक्रममा गाउँपालिकाका स्वास्थ्य शाखाका प्रमुख उपेन्द्र यादव सह संयोजन सन्जिब खड्का, विभिन्न राजनीतिक दलका प्रतिनिधि शिक्षक महिला स्वास्थ्य संयमसेविका लगायतको उपस्थित रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
