दाङ २५, चैत । थारु पत्रकार संघ दाङ र राष्ट्रिय थारु कलाकार मञ्च दाङ बिच शनिबार भएको मैत्रीपूर्ण फुटबल खेलमा थारु पत्रकार संघ विजयी भएको छ ।
यस मैत्रीपूर्ण फुटबल खेलमा थारु पत्रकार संघ दाङ दुई गोलका विरुद्ध सात गोल अन्तरले विजयी भएको हो ।
थारु पत्रकार संघ दाङका तर्फबाट खेलको पहिलो हाफमा लबलिन क्यान्भासले दुई गोल, सुबास चौधरीले चार गोल, र अजय चौधरीले एक गोल गरेका थिए । त्यस्तै राष्ट्रिय थारु कलाकार मञ्चका तर्फबाट सुलभ चौधरीले दुई गोल गरेका थिए ।
जनयुद्धका महान शहिदहरु अर्जुन चौधरी (राहुल), इन्द्र चौधरी (श्याम), र घोराही उपहानगरपालिकामा वडा नं १७ ओखरा निवासी पत्रकार प्रकाश चौधरीका भाई विजय चौधरी को स्मृतिमा मैत्रीपूर्ण फुटबल खेल आयोजना गरिएको थियो । उनिहरु द्धन्द कालमा सत्ता पक्षबाट सोही दिन सहादत भएका थिए । यस अवसरमा विजयी थारु पत्रकार संघ लाई तिन हजार नगद पुरस्कार प्रदान गरिएको थियो ।
विजयी टिमलाई स्व.अर्जुन चौधरी (राहुल) का बुवा रामप्रसाद चौधरीले पुरस्कार प्रदान गर्नुभएको थियो ।
स्व.अर्जुन चौधरी (राहुल) का बुवा रामप्रसाद चौधरीको अध्यक्षता तथा घोराही उपमहानगरपालिका वडा नं १७ का वडा सदस्य धनिराम चौधरीको प्रमुख आतिथ्यमा मैत्रीपूर्ण खेलको सुरुवात गरिएको थियो । यस अवसरमा बोल्ने वत्ताहरुले देश र जनताका लागि आफ्नो ज्यान आहुती दिने शहिदहरु सबैमाझ महान रहने बताए । अहिले उहाँहरुको भौतिक शरीर नभएपनि उहाँहरुको नाम इतिहासमा स्वर्णिम अक्षरले लेखिसकेको उनिहरुको भनाई थियो ।
त्यस्तै प्रमुख अतिथि धनिराम चौधरीले आगामी दिनमा उहाँहरुको सम्झनामा वडा सँग सहकार्य गरी बृहत फुटबल प्रतियोगिताको उही आयोजना गर्ने बताए । यस अवसरमा थारु पत्रकार संघका निवर्तमान केन्द्रिय अध्यक्ष सन्तोष दहित, पत्रकार लक्षिमान चौधरी, नविन चौधरी शहीद अर्जुन चौधरीका आमा तुलसा चौधरी लगायतले बोल्नु भएको थियो । शहीद श्याम चौधरीका दाई चन्द्र प्रसाद चौधरीको स्वागत मतव्यबाटबाट सुरु भएको कार्यक्रमको सहजिकरण प्रकाश चौधरीले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
