सुरेशकुमार पान्डे

आज देशको न त जनताको उद्धार भयो,
राजनीतिमा सधैभरी नराम्रो व्यापार भयो।

हुन्थ्यो पहिले सबैभन्दा राम्रो समाज सेवा,
त्योपनि राजनीति झुकावकै उजगार भयो।

बहुदलिय व्यबस्था ल्याउँन सहिद भए धेरै,
आज हेर्दा हेर्दै यही व्यबस्था लाचार भयो।

सर्वहाराको नारा लगाउँने इनै राता मण्डले,
सहिदको चिहानमाथि उनैको दरबार भयो।

गरिबलाई उपयोग गरेर अचानो गराए देश,
साम्राज्यबादको दलाल यही सरकार भयो।

यिनैहुँन बन्दुकको नालबाट क्रान्ति ल्याउँने,
जो अहिले ख्रुचेव हिटलर अनि जार भयो।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।