दाङ, २४ चैत । नेपाल पत्रकार महासंघ दाङ शाखाले नयाँ वर्षको अबसरमा भोलि शनिबार घोराहीमा मिडिया कप मैत्रीपूर्ण फूटवल प्रतियोगिताको आयोजना गरेको छ । प्रतियोगितामा दाङका सबै क्षेत्रमा क्रियाशील पत्रकारहरुको सहभागिता रहनेछ ।
तुलसीपुर, घोराही र देउखुरी क्षेत्रमा क्रियाशिल पुरुष र महिला पत्रकारहरुको टिम प्रतियोगितामा सहभागि हुने पत्रकार महासंघ दाङले जनाएको छ ।
शनिबार विहान ७ बजेदेखि घोराही–१८ नवलपुरमा रहेको फूटवल मैदानमा हुन लागि रहेको प्रतियोगितामा सहभागिताका लागि पत्रकार महासंघ दाङ शाखा अध्यक्ष दुर्गालाल केसी र सचिव आरेक शितलले सबै सञ्चारकर्मीहरुलाई अनुरोध गर्नु भएको छ ।
प्रतियोगितामा ४ वटा टिमको सहभागिता रहनेछ । बिजयी हुनेलाई पुरस्कारको समेत व्यवस्था गरिएको छ ।
प्रतियोगितालाई भव्य बनाउनका लागि गुरुकुल एकेडेमी, सभ्यता पाठशाला, राजविद्या पाठशाला लगायतका विद्यालय एवं संघसंस्था अनि व्यक्तिले महासंघलाई पोशाकलगायतका सामग्रीहरु सहयोग गर्ने भएका छन् ।
पत्रकार महासंघले नयाँ वर्षको अबसरमा वैशाख पहिलो साता शुभकामना आदानप्रदान कार्यक्रम पनि गर्ने योजना बनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
