सुरेश कुमार पाण्डे

प्रायः नेतालाई लुट्ने ठाउँ चाहिन्छ,
धनमान हुनलाई नयाँ दाउँ चाहिन्छ।

लुटेराहरूको इमान धर्म हुँदैन कत्ति,
इनिहरूलाई न देश न गाउँ चाहिन्छ।

चाहे देशकै दुश्मन किन नहौस त्यो,
अप्राधी पाल्ने एउटा माउँ चाहिन्छ।

चुनावकै बेलामा खायौं भात र मासु,
अब त्यसैको व्याज र साउँ चाहिन्छ।

नतमस्तक छन् साम्राज्यवादकै अंघी,
मात्र झुक्नलाई उनैको पाउँ चाहिन्छ।

किन नदलुन जनताहरू कालो मोसो,
नेतालाई देश बिदेशमा नाउँ चाहिन्छ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।