घोराही, २० चैत । लुम्बिनी प्रदेश घोराही दाङबाट संचालनमा आइरहेको सिस्ने मिडिया एण्ड टेक्नोलोजी प्रालिद्वारा संचालित सिस्ने अनलानइको पाँचौं वार्षिकोत्सवको अवसरमा पत्रकारहरुबीच मैत्रीपूर्ण फुटबल प्रतियोगिता हुने भएको छ । अनलाइनले आफ्नो वार्षिक उत्सवको अवसरमा केही रचनामत्क तथा सिर्जनात्मक कार्यको सुरुवात गर्नका लागि भोलि मंगलबार मैत्रीपूर्ण फूटबलको आयोजना गरेको जानकारी दिएको हो ।
जिल्लामा रहेका रेडियो-टिभी र पत्रिका-अनलाईनमा कार्यरत पत्रकारहरुबीच मैत्रीपूर्ण फुटबल प्रतियोगिता हुने भएको छ । नवलपुर फुटबल एकेडेमीको प्राविधिक सहयोगमा भोलि मंगलबार बिहान ७ः ३० बजेदेखि नवलपुर फुटबल मैदानमा पत्रकारहरुबीच मैत्रीपूर्ण खेल हुने अनलाइनका सम्वाददाता हिमाल महराले जानकारी दिए । सिस्ने अनलाइन आजबाट पाँचौ वर्ष पुरा गरेर छैटौं वर्षमा प्रवेश गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
